مراجعة لمَا قرأت فِي رمضان!

ramadanbook
طيب؟ خلَّص رمضَان -تقريبًا-، أعاده الله علينَا أعوام وأعوَام 8 قلت لكم من قبل عن فكرة إني أدوِّن عن الكتب اللي راح أقرأها برمضان وها أنا ذا 1، فخلونَا نبدأ من الأقدم قراءة إلى الأحدَث.

 كيمياء الصلَاة ، د. أحمد خيرِي العمرِي

(الجزء الأول والثانِي فقط)، وكتبت المراجعة للجزء الأول هنا والثانِي هنا ، (صفحة الكتاب على الـGoodReads)

رقَائق القرآن لإبراهيم السكرَان

[10ريال]، الكتاب اللي كنت كل مرَّة ألوم نفسي على تأخير قراءته، ليش كنت متحمسَة له؟حملته مرَّة إلكترونِي وقريت كم صفحَة وأعجبت بهَا، اشتريت الكتَاب وخلصته لكِن !!!! مو قد التطلعَات الكتَاب ضعيف جدا جدا جدا، يعنِي مافِي أفكار عميقَة أو أي شيء من هالقبِيل مجرد تأملَات للقرآن، عادية مو مستحقَّة كل هالكلام والمَدح، أعجبتنِي كم فكرَة، ولكن ككل الكتَاب ماأضاف لِي شَيء،(صفحة الكتاب على الـGoodReads)

خيرة العقَول المسلمَة في القرن العشرِين، لمحمد المختار الشنقيطِي

طبعًا للي ما يعرِف الدكتور محمد من الأشخَاص اللي أنا أقدرهم جدا جدا جدا، كان لِه على روَاق مادة رائعة جدا عن البحث عن دين الفطرة 8، -أنصحكم بحضور المادة بالمناسبَة-، طيب نرجع للكتَاب، أيضًا هذا الكتاب ينوِي الدكتور تحويله لمحاضرات على روَاق -دوَّرت على المادة ما لقيتها 10، شكله حلم مو عِلم12– مو مشكلَة عندنا الكتاب وش نبِي بروَاق 2 ؟
الكتاب عن أشخاص رآهم الكاتِب نماذِج رائعة لعقول مسلمَة، إسماعيل الفاروقي،محمد عبد الله دراز، مالك بن نبي،علي عزت بيغوفيتش ومحمد إقبال، الحقيقة توقعت الكتَاب أطول وبتفاصيل أكثر من التِي وجدتها، لأن الكتَاب أراه كتعرِيف بسيط يكون منصَّة لك للإنطلاق والبحث الموسَّع عنهم 8 ، وهذا مالم أتوقعه، لكِن الكتاب جيَّد، تتعرف على أناس ربما لم تكن سمعت باسمهم ولو مرَّة، وبداية سهلَة للبحث، (صفحة الكتاب على الـGoodReads)

 سلطة الثقافة الغالِبة (للأسَف 12)، لإبراهيم السكرَان أيضًا

[15 ريال]، الكتاب تحمست لِه من صاحبتِي اللي مدحته لين خلَاص 10 ، والصدمَة من الكتب اللي كَان نفسِي أرميها، ولو أنا مو أنا كان وقَّفت قراية قبل تنصِيف الكتاب حتَّى، الكتاب من الكتب اللي استفزتنِي بطريقة اعععععععع 9، كنت أفضِّل الوقت اللي راح في هالكتاب أكون قريت فيه كتاب يتكلم ليش إحنا عالم ثالث؟ ليش احنا متخلفِين؟ وكيف مانصير كذا؟ مو أقرأ كتَاب يلوم اللي يحاولون يوفقون بين الدِّين والثقافة الغالبَة، وليش الكاتِب يتكلم وكأنه هو الصح والكل غلَط، وليش الكاتِب يجيب سيرة الغير ليه ما يتكلم عن فكرته بدون ما يتطرَّق للناس المخالفِين، صحِيح الكتاب فِيه كثير كلام متخصصين -حاولت أفهمه 12– ، وكلام تنظيري لين خلَاص، تمنيت بخاتمة كل فصل يقول طيب وش المفروض نسوي من وجهة نظرِه؟ بكل اختصار هالكتاب أول كتاب أحس إنه ينرفزنِي لهالدرجة، (صفحة الكتاب على الـGoodReads)

 زنزانة .. عادة مدى الحيَاة، للدكتور سلمَان العودة 8

 [20 ريال]، قبل لا أتكلم عن الكتاب بأقول -سبحان مقلِّب القلوب 12– يا الله كِنت ما أتقبل الدكتور سلمان، وللصراحة ما أدرِي ليه بس ما كنت أتقبله! ، أما الحِين أنا أشوفه من أفضل 10 أشخاص فِي الساحَة – لا تقولون لِي مين التسعة الباقِين ما أدرِي 12 -، نقدر نرجَع للكتاب الحِين؟
الكتاب من الكتب اللي تغير حيَاة الواحِد 8 ، وكمان من الكتب اللي راح تقرآها 10 مرَّات، ليش؟ لأنه يجنن باختصَار 8 الكتاب يتكلم عن العادات – بجميع أنواعها – وكيف تتكون؟ وكيف تجاهد نفسَك؟ وإيش العادات الكويسة والعادات المش كويسة؟ عن طرِيق فصول، كل فصل يلِم جواته كذا مقَالة، وكل مقالة ودك تقرآها 10 مرَّات، أسلوب أبَوِي -عاد أنا أقرأ وببالِي صوت الدكتور-، الأسلُوب لحاله يبغاله تدوينَة، أسلوب سهل بدون فرد عضلات بمفردات أو غيره، إلى القلب مباشرَة، خاصة مع كون الدكتور يذكر كثير تفاصيل شخصيَّة فتحسينها سوالِف مو كتَاب 8، من الكتب اللي تخليك تسترخِين وأنتِ تقرينهَا، أشوفه رائِع لتهذيب النفس لأنه شامِل تقريبًا لكل العادات، كل ما يخطر على بالِك ربما 8، من الكتب اللي بأزعِج الناس فيه، والحمدلله إن هالكتاب جاء بهالتوقِيت بالذات لان لو تلاحظون كل الكتب اللي قبِل كان تقييمي لها منخفِض فخفت البلا منِّي 2 (صفحة الكتاب على الـGoodReads)، ومن ضمن المقالات كان فِيه مقالات من مقاطع #وسم على اليوتيوب، اللي ماشافها لازِم يشوفها، WsmAl3odah | وسم العودة
من أجمَل الحلقات 88
وإيه صح ما قلت لكم، سبحان الله الدكتور إبراهيم السكرَان والدكتور سلمَان العودة ، كلهم اقتبسوا من ابن تيمية وابن القيم، لكن سبحان الله كَيف كان تفاوُت الفهم والمصدر واحد
وبكذَا انتهينَا من المراجعَات لهالشهَر – اللي كَانت رهِيبة لأني قررت ما أكمل قراية لإبراهيم السكران ولا الدكتور أحمد العمرِي فإنجَاز 11 -، نتقابَل الشهر الجَاي، عاد فيه عناوِين متحمسة لهَا إن شاء الله ما تخيِّب ظنِي، وإلى اللقاء إلى الحب 8
Advertisements

6 thoughts on “مراجعة لمَا قرأت فِي رمضان!

  1. صباح الخير , تقبل الله صيامك وطاعتك
    جدا جبيت اسلوبك بالتقيم الكتب , مع انوا نوعية الكتب ماتعجبني
    لكنك حمستيني أقرأ ” زنزانة .. عادة مدى الحيَاة، للدكتور سلمَان العودة ”
    تدوينة خفيفه هي واللي قبلها , ننتظر تدوينة الشهر الجاي
    وكل عام وانتي بخير

    إعجاب

  2. تعقيبا على كلامك في كتاب ( ثقافة السلطة الغالبة )

    ” والصدمَة من الكتب اللي كَان نفسِي أرميها، ولو أنا مو أنا كان وقَّفت قراية قبل تنصِيف الكتاب حتَّى، الكتاب من الكتب اللي استفزتنِي بطريقة اعععععععع 9، كنت أفضِّل الوقت اللي راح في هالكتاب أكون قريت فيه كتاب يتكلم ليش إحنا عالم ثالث؟ ليش احنا متخلفِين؟ وكيف مانصير كذا؟ مو أقرأ كتَاب يلوم اللي يحاولون يوفقون بين الدِّين والثقافة الغالبَة ”

    انصحك تقرين ( التخلف الاجتماعي – مصطفى حجازي )
    + ( الانسان المهدور – مصطفى حجازي )

    تجنن تجنن تجنن هالكتاابين وبتجاوبك عن كل تساؤلاتك هذي ! وعن العالم الثالث ككل ♥

    إعجاب

    • أهلًا منار ❤️، شكرا شكرا على هالتوصيَة هالكتابين من زمان وأنا ودِّي أقراها لكِنها بقائمَة الـ *يارب قوّي قلبِي عشان أقرأها* ، قريبًا إن شَاء الله!

      إعجاب

أسمعَك :$

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s