#نصيحة_للطالب_الجامعي

الواحد أحيان يتمنى أن المعلومات اللي عنده تتخزن في USB يشاركها مع اللي يعني له أمرهم8، لكن بما إن لسى مافي هالخاصية D: ففكرة جيدة إننا نتشارك بالكتابة ما استطعنا مشاركته، قبل بداية الترم اللي فات كتبت بانستقرامي إنه خلاص كفاية نصايح للي داخلين الجامعة، لأني أشوف الوضع صار مبالغ فيه والكل ينصح وكأنه صاحب التجربة الأفضل والأغنى10، ونصايح مطاطية هلامية مثلا: كوني واثقة من نفسك 10، بالله مين فيكم ما يعرف إن الثقة بالنفس مو كلمة أقراها ولا أمر أطبقه إنما يبغالها شغل وإنجاز حقيقي عشان تثقي بنفسك صح، والكثير من التفاصيل اللي تختلف باختلافنا 6.
وأنا بالثانوي كان طاري الجامعة يحمسني، كان عندي تصور لها إنها واو مكان العظماء D: كنت مفتونة بفكرة إن القاعة شكلها مختلف وفخم، وإن الحياة بتكون أحلى من الثانوي (وطبعا النصايح اللي كنت أقراها عززت هذا التصور) ودخلت الجامعة !!! مدرسة ستايل نسخ لصق !! التصور الرهيب اللي كان بمخي تلاشى والحين أنا مضطرة أتعامل مع واقع، القاعات فصول ههه والبنات نفسهم نفسهم (ما أدري ليه كنت متخيلة إني فجأة بصير مع عالم يختلفون عن اللي بالمدرسة )، ما علينا وقتها كرهت كل النصايح اللي جتني وكل الاستعدادات اللي استعديتها، تمنيت بس أحد يقولي ترى هي هي ما في ذاك الاختلاف : (
نرجع لموضوعنا ما أدري ليه من بين كل 100 ينصحون يكونون 10 اللي يتكلمون عن موضوع الدرجات الموضوع الجوهري يعني، اللي بينصحك بينصحك بلبس بصحبات بلا بلا بلا بلا ، طيب وش صار على الدرجات يخوان؟ محدش يعرف !!
أنا بدوري راح أنصحك هالنصيجة، درجاتك رقم واحد والباقي رقم 100 12، رتبي أولوياتك، هالأربع سنين بتبني لك حياتك لين تموتين، مرحلة جوهرية والدرجات هي العامل الأهم فيها، احضري محاضراتك، سجلي مع الدكتور/ة ولا تعاملينهم كأنهم حكواتي قاعد يحكي لك (في بنات كذا D:) سجلي معاهم الأشياء المهمة، شاركي  (وإن كان من خلال تجربتي المشاركة ما تلعب دور كبير بالجامعة زي المدرسة، لكن أشارك بالمحاضرات المملة عشان الوقت يعدي D;)، تصوري إنك قاعدة تجمعي نقاط، لاتضيعين ولانقطة، الاختبارات القصيرة ذاكري لها زين 5 درجات مررررة تفرق، الواجبات لا تهملينها لا تهملينها، البحوث دوري لك مجموعة شاطرة ولا تتكاسلين ولو مالقيتي مجموعة شاطرة اتعبي أنت ضعف التعب مو مشكلة كله ولا تروح عليك درجات البحث الكثيرة : ( ، لو أنت شاطرة بالمدرسة استمري، لو العكس مو مشكلة هذي بداية جديدة تماما، اليوتيوب غني بمقاطع كيف ندرس ؟ أحيان احنا نتعب بالمذاكرة لكن تكون الطريقة غلط وكأنك يبدو زيد ما غزيت، ابحثوا عن طرق للتنظيم (الأجانب مبدعين من هالناحية D;)، خلي عندك جدول مطبوع تسجلين فيه الأحداث المهمة والمميزة
صممت جدول للترم كله لو بتحملينه من هنا (على فكرة بدأت مشروع صغير هنا تابعوا الحساب وانتظروا الحاجات الحلوَة).
جدول ريحانة
** للطباعة : Cntrl+P بعدين Advanced بعدين Print as image
كلمة أخيرة :  هالحياة فيها خيارات قد ما فيها بني إدميين، اللي يناسبني مايناسبك، اللي يناسب فلانة مايناسبك، واللي يناسبك مايناسبهم، لا تسمعين للي يحاول يفرض عليك خيارات معينة ويوهمك إنها الطريق الوحيد، بما فيهم أنا D; أحيان إحنا نؤدي دورنا ونقول اللي نحسه مهم لكن يمكن مو مهم لك،فخذي اللي يعجبك واتركي اللي ما يعجبك :)
وطبعا ما أنسى أذكر أ. هاني سيندي حفظت كلامه من كثر ما أعيده هنا
تمنياتي لكم ولي وللكل بعام جميل و درجات حلوة 8
Advertisements

7 thoughts on “#نصيحة_للطالب_الجامعي

  1. بالفعل الدرجات حاجه مهمله وكأننا رايحين للجامعة لعرض الأزياء كلهم يتكلمو عن ازياء ومكياج ووووو
    من الأشياء المهمه اللي الناس تغفل عنها علاقتك بـ”الدكاتره” 😁
    المصلحه بالجامعة لها دووور كبيييير يعني وقتها اذا الدكتوره حبّتك وشافتك مجتهده و محترمه حتراعي ظروفك وتساعدك كثير ولو غلطتي تصحح لك وتوقف معاك والعكس لو ما حبتك ممكن تحقد وترسبك او تسوي لك مشاكل إنت بغنى عنها ف نحاول دايما نخلي علاقتنا بالدكاترة و الأساتذه ممتازه 👍🏻

    إعجاب

    • من جد شَيء ينرفِز، ما اختبرت هالشَيء بالجامعة -شخصيا- كانت علاقتِي في الدكاترة بشكل عام سطحية لأبعد حد وعادِي لكن أكيد الأفضل نخليهم يلاحظُونا بالزَين D:

      إعجاب

  2. مرره شكراً على النصائح ️ جزاك الله خير .. بس غريبة أنا تغيرت الجامعة بالنسبة لي يعني القاعة مو نفس الفصل ؟ و الاعتماد على النفس الأنشطة … إلخ
    و جاري تحميل الجدول و استخدام حقك بدل قرطاسية

    إعجاب

    • العفو العفو ❤ ، بالنسبة لجامعتنا مو ذاك الفرق، لكن هو بشكل عام أكيد غير لكن بالمقارنة مع خيالي وتصوراتي وقتها ولاشَيء D:
      إن شاء الله تعبينه بأشياء كثِير حلوَة، بالتوفيق ❤❤

      إعجاب

  3. جميله التدوينه اعطيتينا نصيحه خارج الصندوق مو زي اللي متعودين عليه..
    بالعكس جامعتنا الجديده كانت هيئته غير تمام عن المدارس مباني ومشوره بينهما..
    مثل ماقلتي الدرجات نمبر ون بكل شيء احس بعدها العلاقات نمبر تو مع الدكاتر او الصداقه او مع الامن ومع العاملات..
    الفيديو عجيب زين طحت عليه بالسنه احتاجه احاول ارفع معدلي شوي 💖

    إعجاب

أسمعَك :$

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s