تقنيَة الطماطِم Pomodoro Technique 🍅

 
وعدنا، سعيدة بتفاعلكم الرهيب على التدوينة اللي فاتت  ( نصايح للطالب الجامعِي )..
جايتكم اليوم بطريقة بتساعدكم كثير، بما إننا دخلنا بجو الدراسة وقريبا الواجبات والاختبارات animated-sad-smiley-image-0016
قبل فترة كنت بماراثون لقراءة مدونة هيفا  ، المهم وبوحدة من تدويناتها تكلمت عن تقنية الطماطم 🍅  (وكانت بالأساس حاطة رابط لمدونة ثانية لكن نسيت اسمها)، لكن مشكورين ثنيناتهم  الطريقة رهيبة للمهمات الطوييييلة، مشروع، مذاكرة، واجبات …. إلخ
تقنية الطماطم Pomodoro Technique ، للإيطالي فرانشيسكو سيريلو 
طريقة عملها كالتالي، البدء بالمهمة والتركيز فيها لمدة 25 دقيقة بعدين راحة 5 دقائق ، وهكذا لين تكملين أربع فترات شغل، تأخذين بريك أطول 15-30 دقيقة 

هنا الفيديو الرسمي للتقنية 

ليش التقنية رهيبة ؟
1. لأنها تساعدك أول شيء على التركيز، ماراح يجي على بالك تمسكين الجوال مثلاً هالـ 25 دقيقة وأنت عارفة إن بعد شويتين عندك راحة 5 دقايق.
2. تعطيك إحساس أكبر بالزمن يعني تعرفين إن عندي هالـ 25 دقيقة وبعدها أوقف وتحاولين تنجزين أكثر بهالـ 25 دقيقة.
3.عشان لا تضغطين نفسك تقعدين ساعة كاملة أو أكثر بدون لا تحسين.
*جربتها وكتبتها*
تبين تجربينها ؟ (تخيلِي تقولين لا ههههههه )
عندك هذا الموقع (Tomato Timer) لو كان شغلك عالكمبيوتر يعني 
وإذا تبغينها تطبيق عالجوَّال هنا (Clear Focus) للأندرويد  وهنا (Focus Time) للآيفون 
*وفيه خيارات أوسع من كذا تقدرين تبحثين عنها باسم Pomodoro Technique لو تبين شيء مختلف *
هالتدوينة مخصصة أكثر شيء للي زي اللي كل شويتين معطين نفسهم بريك، فهذي الطريقة تنظم بريكاتك وما تخليك على راحتك D;
نزلت صورة بندورة بتويتر، أبي التخمينات للتدوينة القادمة، وجابتها نورة 

* مستوعبِين إن فيه إيموجي بندورة بس مافِي إيموجي اثنين يحضنون بعَض Untitled-6
Advertisements

3 thoughts on “تقنيَة الطماطِم Pomodoro Technique 🍅

  1. جدا احتاج هذي البندوره عشان اخلص مذاكرتي وواجباتي
    تاخذ مني اكثر من اربع ساعات من كثر مااحوس بالتطبيقات وشوي اكل وشوي اسولف مع حد
    تدوينتك جت في وقتها , مرا شكرا انقذتيني صراحه

    Liked by 1 person

أسمعَك :$

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s