كيف بأصير رهيبة بالسنَة الجديدة!

والسلام عليكم ورحمة الله وبركاته، وشحالكم؟ وشخباركم؟ وشمسوين؟

وسنة جديدة يا جماعة (تحاول تمسَك نفسها ما تقول جات بسرعة!)، متحمسَة جدا لهالسنَة ومتفائلَة فِيها كثير، ويارب إن شاء الله تكون سنَة إنجاز لِي ولكم  و كل عام وأنتم بخَير (على هذا النظَام بأقولكم هالجملَة مرتين كل سنَة )

.

من الاسباب الرئيسيَّة لحماسِي لهالسنَة، الشَيء الرهيب اللي لقيته قبِل كم يوم (جاء بالوقت الرهيب )، ألا وهو فكرَة الـ Bullet Journal لما لقَيت الفكرة وبحثت عنها وشفت قد إيش منتشرَة بشكل رهيب عند الأجانِب استغربت إنها ما وصلت لِي إلَّا الآن (الفكرة لها سنتين أتوقع!)، وبحثت عن تدوينة عربيَّة عنها مالقَيت إلا وحدة* 

الفكرة باختصار دفتر يضم كل المهام، الأهداف، المشاريع، جداولك وتقويمِك  بدال ما تكُون فِي كل حتة وتنسينها أو تضيعينهَا (أعاني من هالشَيء جدَّا)، لذا الفكرَة على مقاسِي تماما 

.

كيف أستخدم وأرتب هالجدول؟ كالتالي:

• جيبي أي دفتر، يفضل حجمه متوسط عشان لو بتشيلينه معَاك، ويفضل يكون منقَّط أو مربعات عشان يسهل علِيك رسم الجداول والتنسِيق 

• ابدئِي أول صفحة بالدفتر بفهرس، هالفهرس راح يسهل لك توصلين بسرعة للصفحة اللي تبينها بعد مدة من الكتابة بالدفتَر + (يفضل تكتبين اسمك ورقمك أو أي وسيلة تواصل فِي حال ضاع الدفتر)

• الصفحة اللي بعده راح تكون جدول نصف سنوي (هذي من ضمن الفكرة الأساسيَّة للدفتر لكِن ما أتوقع راح أستخدمها!)

• الصفحة اللي بعدها راح تكون جدول للشهر الأول، يناير  ومقابل له راح تكون قائمة المهام لهالشهَر ، والصفحة اللي بعدها راح تكون المهام اليوميَّة لهالشهر

وهكذا إلى أن تخلص السنَة  (الفيديو الرسمِي هنا فيه كل التفاصيل شوفوه، والموقع الرسمي هنا )، فيه تفاصيل الرموز اللي راح تستخدمينها وما إلى ذَلك (رغم إن هالموضوع راجِع لك ولتفضيلِك)

.

اللي حمسني لهالفكرة أكثر شَيء الأشياء الرهيبة اللي شفتها بالتمبلر وكيف الناس قاعدة تضبط وتنسق دفترها  اللي يعرفني يدري إن هالأشياء تصيبني في مقتل 

http://cw0630.tumblr.com/

http://artisticeh.tumblr.com/post/136245097679

http://mxdulus.tumblr.com/post/136256294654

قلبي يعورني يا جماعة ههههههههههه  + مانعة نفسي ما أروح اليوتيوب وأبحث عشان ما أموت P: شايفين المجال للإبداع ووللأفكار الجديدة مفتوح مفتوح، كل اللي برأسك راح يتسع له هالدفتر، عشان ما تكثر الصور في التدوينَة، تعالوا هنا (وشوفوا التمبلريين وش مسوِّين) ومتعوا عيونكم  جهَّزت لِي دفتر وضبطت كم صفحَة، لكِن بما إن مهاراتي التنسيقية في انحدار هههه بأنتظر لين أكشخه مضبُوط وأشاركه معاكم 

.

وإلى اللقاء إلى الحب والله يرعاكم 

---

* التدوينة العربية الوحيدة اللي لقيتها عن هالدفتر هنا

** على فكرة هذا الجزء الأول من الرهابة، الجزء الثانِي بأقولكم كيف بأجيب A+ بكل المواد الترم الجَاي 

*** كل اللي أعرفه إن 2016 بتكون سنة الكتَابة