كيف بأصير رهيبة بالسنَة الجديدة!

jan2016
والسلام عليكم ورحمة الله وبركاته، وشحالكم؟ وشخباركم؟ وشمسوين؟
وسنة جديدة يا جماعة (تحاول تمسَك نفسها ما تقول جات بسرعة!)، متحمسَة جدا لهالسنَة ومتفائلَة فِيها كثير، ويارب إن شاء الله تكون سنَة إنجاز لِي ولكم moreheart و كل عام وأنتم بخَير (على هذا النظَام بأقولكم هالجملَة مرتين كل سنَة icon3)

.

من الاسباب الرئيسيَّة لحماسِي لهالسنَة، الشَيء الرهيب اللي لقيته قبِل كم يوم (جاء بالوقت الرهيب icon3)، ألا وهو فكرَة الـ Bullet Journal لما لقَيت الفكرة وبحثت عنها وشفت قد إيش منتشرَة بشكل رهيب عند الأجانِب استغربت إنها ما وصلت لِي إلَّا الآن (الفكرة لها سنتين أتوقع!)، وبحثت عن تدوينة عربيَّة عنها مالقَيت إلا وحدة* icon3
الفكرة باختصار دفتر يضم كل المهام، الأهداف، المشاريع، جداولك وتقويمِك moreheart بدال ما تكُون فِي كل حتة وتنسينها أو تضيعينهَا (أعاني من هالشَيء جدَّا)، لذا الفكرَة على مقاسِي تماما icon3moreheart

.

كيف أستخدم وأرتب هالجدول؟ كالتالي:
  • جيبي أي دفتر، يفضل حجمه متوسط عشان لو بتشيلينه معَاك، ويفضل يكون منقَّط أو مربعات عشان يسهل علِيك رسم الجداول والتنسِيق moreheart
  • ابدئِي أول صفحة بالدفتر بفهرس، هالفهرس راح يسهل لك توصلين بسرعة للصفحة اللي تبينها بعد مدة من الكتابة بالدفتَر + (يفضل تكتبين اسمك ورقمك أو أي وسيلة تواصل فِي حال ضاع الدفتر)
  • الصفحة اللي بعده راح تكون جدول نصف سنوي (هذي من ضمن الفكرة الأساسيَّة للدفتر لكِن ما أتوقع راح أستخدمها!)
  • الصفحة اللي بعدها راح تكون جدول للشهر الأول، يناير moreheart ومقابل له راح تكون قائمة المهام لهالشهَر morehearticon3، والصفحة اللي بعدها راح تكون المهام اليوميَّة لهالشهر
وهكذا إلى أن تخلص السنَة icon3moreheartmoreheart (الفيديو الرسمِي هنا فيه كل التفاصيل شوفوه، والموقع الرسمي هنا )، فيه تفاصيل الرموز اللي راح تستخدمينها وما إلى ذَلك (رغم إن هالموضوع راجِع لك ولتفضيلِك)

.

اللي حمسني لهالفكرة أكثر شَيء الأشياء الرهيبة اللي شفتها بالتمبلر وكيف الناس قاعدة تضبط وتنسق دفترها moreheart اللي يعرفني يدري إن هالأشياء تصيبني في مقتل icon3
قلبي يعورني يا جماعة ههههههههههه moreheart + مانعة نفسي ما أروح اليوتيوب وأبحث عشان ما أموت P: شايفين المجال للإبداع ووللأفكار الجديدة مفتوح مفتوح، كل اللي برأسك راح يتسع له هالدفتر، عشان ما تكثر الصور في التدوينَة، تعالوا هنا (وشوفوا التمبلريين وش مسوِّين) ومتعوا عيونكم moreheartmoreheart جهَّزت لِي دفتر وضبطت كم صفحَة، لكِن بما إن مهاراتي التنسيقية في انحدار هههه بأنتظر لين أكشخه مضبُوط وأشاركه معاكم moreheart

.

وإلى اللقاء إلى الحب والله يرعاكم icon1

* التدوينة العربية الوحيدة اللي لقيتها عن هالدفتر هنا
** على فكرة هذا الجزء الأول من الرهابة، الجزء الثانِي بأقولكم كيف بأجيب A+ بكل المواد الترم الجَاي icon3moreheart
*** كل اللي أعرفه إن 2016 بتكون سنة الكتَابة icon3
bj
Advertisements

14 thoughts on “كيف بأصير رهيبة بالسنَة الجديدة!

  1. نظام جميل و ساعدني كثيرا بنظيم اموري على مدى السنة الاخيره على الرغم بأني بدأت اتثاقل بأستخدامه :'( و يجب ان اعود نفسي عليه مرة اخرى. صور المستخدمين الاخرين شي يفجر المخ من جماله و تنسيقه المرعب! اشكرك بشدة على مشاركة هذه الصور.

    ملاحظة: رابط التمبلر خاطئ.

    Liked by 2 people

    • ألتحدي الحين بالنسبة لِي هل بأكمل ولا لا ؟ بس إن شاء الله إني ألتزِم :)
      (بفجر المخ) بالضبط هذا التعبير اللي كنت أدور عنه هههه
      شكرا للتنبيه عبدالرحمَن، عدلته

      Liked by 1 person

  2. وعليك السلام والرحمة
    بالضبط ذا شئ رهيب ويبكي شغل الناس فيه لكن مااستخدمته للآن
    بس الحين بس اخلص الرد عليك ع الدفتر تحمست عليه معك
    وبالمناسبة راح اوريك مدونة عربية بهالخصوص واعذريني لو صار لك شئ بعدها =(
    لكن مدري الحين اذا حطيت لك الرابط هنا بيظهر كرابط ولا اسوي حركات < للأسف ماقدر اعاين المشاركة قبل ارسلها
    مدونة نورة الجميلة
    أو
    http://www.norahalnezari.com/
    +
    هناك خطأ في رابط التمبلريين

    Liked by 1 person

    • �❤❤❤❤�
      شاركيني صوره لو سويتيه ❤
      إيه نورة النزاري أعرفهاـ غلفت حلويات العيد من عندها أذكر هههههههه
      هي اللي الفترة الأخيرة ذكرتني بحبي لهالأشياء :)❤
      م اشاء الله شغلها مرتَّب وإبداعي ❤

      Liked by 1 person

    • أهلا سميَّة ❤!
      سعِيدة إن الفكرَة أعجبتك، أتمنى تطبقينها منتظرِين منك كثير كمترجمَة ❤
      وشكرا على مشاركة الرابط يا أختِي شغلهم يفتَح النفس ❤

      Liked by 1 person

  3. عشق عندي الفهرسه والجدولة والرسم والتلوين والتدوين والاشياء اللي صارت خلال السنة
    هالفكرة بالتحديد نزلتها بمدونتي عشر اجزاء حصيلتي من العام *بطريقة جامدة مو منسقه ولا ملونه*
    الباقي احتفظ فيها بشكل شخصي
    ما تتخيلين في نهايات السنين كمية التفاصيل اللي عشتيها بس ذاكرتك ما تستحضرها كل الوقت ❤

    Liked by 1 person

    • جامدة؟ مو ملونَة؟
      من كثر ما أعجبتني السلسلة مو قادرة أفتح مدونتك وأشوفها كلها *يبِي لها وقت مميز عشان أستمتع بالرهابة اللي فيهَا*
      وفعلًا هي التفاصيل الصغيرَة اللي تضِيع وسط الحوسَة مع إن *التفاصيل الصغيرة هي اللي تخلينا نحب p;*

      Liked by 2 people

  4. السلام عليكم ورحمة الله وبركاته
    أنا أيضا استخدم المفكرة، وقررت أن أكرس مدونتي (بالمفكرة) للحديث عن رحلتي وتجاربي معها.
    أحب أن أتعلم كل جديد بما يخص المفكرات
    وأرجو أن تشاركينا اكثر بما تعلمتيه.
    جزاك الله خير الجزاء
    أختك هدى

    إعجاب

أسمعَك :$

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s